स्वदेश फर्किए प्रधानमन्त्री ओली
तु खबर संवाददाता२०८१ आश्विन १४,सोमबार १८:०७
काठमाडौं । प्रधानमन्त्री केपी शर्मा ओली स्वदेश फर्किएका छन् ।
संयुक्त राष्ट्र संघको ७९ औँ महासभामा सहभागी हुन संयुक्त राज्य अमेरिका गएका उनी सोमबार स्वदेश फर्किएका हुन् ।
प्रधानमन्त्री ओलीलाई त्रिभुवन अन्तर्राष्ट्रिय विमानस्थलमा स्वागत गरिएको थियो ।
उनले अमेरिकामा रहँदा राष्ट्रसंघीय महासभालाई सम्बोधन गरेका थिए ।
उनी नेपाली प्रतिनिधिमण्डलको नेतृत्व गर्दै गत असोज ४ गते न्युयोर्क प्रस्थान गरेका थिए ।
