भारतमा हेलिकोप्टर दुघर्टनामा परेर तीन जनाको मृत्यु

नयाँ दिल्ली । भारतको महाराष्ट्र राज्यको पुणे जिल्लामा बुधबार हेलिकप्टर दुर्घटनामा हुँदा तीन जनाको मृत्यु भएको छ ।

जिल्लाको बावधनमा भएको सो दुघर्टनामा परेर विमानमा सवार दुई पाइलट र एक इन्जिनियरको मृत्यु हो ।

उक्त घटना बिहान ६ः४५ बजे बावधनस्थित केके कन्स्ट्रक्सन हिल नजिक भएको जनाइएको छ । अक्सफोर्ड गल्फ कोर्सको हेलिप्याडबाट मुम्बईको जुहुका लागि उडेको उक्त हेलिकोप्टर दुर्घंटना भएको हो ।

उडेको करिब केही मिनेटपछि हेलिकप्टर १ दशमलव ५ किलोमिटर टाढा पुगेर दुर्घटनाग्रस्त भएको समाचारमा उल्लेख गरिएको छ ।

हेलिकोप्टर हेरिटेज एभिएसन नामक निजी कम्पनीको रहेको बुझिइएको छ ।

पाइलट र इन्जिनियर दुवैको पहिचान खुल्न नसकेको र दुर्घटनाको कारण पनि हाल नखुलेको जनाइएको छ । –एजेन्सी