मकवानपुरको तीन स्थानमा सशस्त्र प्रहरीको हेल्प डेस्क

मकवानपुर । सशस्त्र प्रहरी बल १४ नम्बर गण हेडक्वार्टर मकवानपुरले जिल्लाका विभिन्न तीन स्थानमा हेल्प डेस्क स्थापना गरेको छ ।

चाडपर्वलाई लक्षित सडक सुरक्षालाई मध्यनजर गदै जिल्लाको ती स्थानमा हेल्प डेस्क स्थापना गरिएको सशस्त्र प्रहरी उपरिक्षक ज्ञानप्रसाद भुर्तेलले जानकारी दिए ।

उनका अनुसार, दुर्घटना जोखिम हुने स्थान इन्द्रसरोवर गाउँपालिकाको हेवी, हेटौंडा उपमाहनगरपालिका १० बसपार्क र हेटौंडा १५ चुरियामाईमा हेल्प डेस्क स्थापना गरिएको हो ।

नेपालीहरुको महान् पर्व दशैं, तिहार तथा छठ पर्वलाई लक्षित गर्दै नागरिकको सुरक्षा एवम् सहायताका लागि डेस्क स्थापना गरिएको उनको भनाई छ ।

हेल्प डेस्कमा २४ सैं घण्टा सशस्त्र प्रहरी तैनाथ हुने र प्रत्येक हेल्प डेस्कमा ११ जना सुरक्षकर्मी रहने उनले बताए ।