‘शान्ति सुरक्षा कायम गर्न प्रहरीको भूमिका महत्वपूर्ण’

मकवानपुर । बागमती प्रदेशका मुख्यमन्त्री बहादुर सिं लामाले विपद्को समयमा र शान्ति सुरक्षा कायम गर्न प्रहरीको भूमिका महत्वपूर्ण रहेको बताएका छन् ।

मुख्यमन्त्री लामाले नेपाल प्रहरीको ६९ औं स्थापना दिवसको अवसरमा बुधबार बागमती प्रदेश प्रहरी कार्यालय हेटौंडाद्वारा आयोजित कार्याक्रमलाई सम्बोधन गर्दै यस्तो बताएका हुन् ।

नागरिकको जीउधनको रक्षा गर्ने सरकारको जिम्मेवारी नेपाल प्रहरीले निर्वाह गर्दै आइरहेको पनि उनको भनाई छ । मुख्यमन्त्री लामाले नेपाल प्रहरीलाई राज्यले पर्याप्त मात्रामा सेवा सुविधा दिन नसकेको स्वीकार गरे ।

बागमती प्रदेश प्रहरीलाई व्यवस्थित बनाउन प्रदेश सरकारले अभिभावकको भूमिका निर्वाह गर्ने समेत उनले दृढता व्यक्त गरे ।

यस्तै, कार्यक्रममा आन्तरिक मामिला तथा कानुन मन्त्री सुरजचन्द्र लामिछाने, प्रदेश प्रहरी प्रमुख कृष्णहरि शर्मालगायतले मन्तव्य व्यक्त गरेका थिए ।

सो क्रममा दिवसको अवसरमा आयोजित विभिन्न खेलकुद प्रतियोगितामा बिजयी भएका खेलाडीहरुसहित सेवा निवृत्त, उत्कृष्ट कार्य गर्ने प्रहरीलाई पुरस्कार तथा प्रमाणपत्र प्रदान गरिएको थियो ।