शुक्रबार सुनको भाउ स्थिर, चाँदीको घट्यो

काठमाडौं । नेपाली बजारमा शुक्रबार सुनको भाउ स्थिर रहेको छ । बिहीबार तुलनामा शुक्रबार सुनको भाउ स्थिर रहेको नेपाल सुनचाँदी व्यवसायी महासंघले जनाएको छ ।

महासंघका आनुसार, बिहीबार प्रतितोला १ लाख ६६ हजार रुपैयाँ कायम भएको सुन आज पनि सोही मूल्यमा कारोबार भएको हो ।

यस्तै, आव चाँदीको भाउ भने घटेको छ । आज चाँदी प्रतितोला २५ रुपैयाँले घटेको हो ।

भाउ घटेसँगै आज चाँदी प्रतितोला २ हजार ७० रुपैयाँ कायम भएको छ । यसअघि बिहीबार चाँदी प्रतितोला २ हजार ९५ रुपैयाँमा कारोबार भएको थियो ।