मकवानपुरमा थपिए ६९ जना डेंगु संक्रमितका बिरामी
तु खबर संवाददाता२०८१ कार्तिक १२,सोमबार १८:०२
मकवानपुर । मकवानपुरमा पछिल्लो २४ घण्टामा ६९ जना डेंगु संक्रमितका बिरामी फेला परेका छन् ।
जनस्वास्थ्य कार्यालय मकवानपुरका अनुसार, सो अवधिमा सबैभन्दा धेरै संक्रमितका हेटौंडा उपमहानगरपालिमा थपिएका छन् । त्यहाँ पछिल्लो २४ घण्टामा ६६ जनामा डेंगु संक्रमण पुष्टि भएको छ ।
यसैगरी, मकवानपुरगढी गाउँपालिकामा एक जना र मनहरी गाउँपालिकामा २ जनामा डेंगु संक्रमण पुष्टि भएको हो ।
आज थपिएसँगै जिल्लामा डेंगु संक्रमितको कुल संख्या १ हजार ४८३ जना पुगेको छ । जसमा ७७० पुरुष र ७१३ महिला रहेका छन् ।
उक्त तथ्याङ गत साउन महिनादेखि आजसम्मको रहेको स्वास्थ्य कार्यालय मकवानपुरले जनाएको छ ।
कुन पालिकामा कति छन् डेंगु संक्रमितका बिरामी ?
- हेटौंडा उपमहानगरपालिकामा ६१० पुरुष र ५९४ महिला गरी १ हजार २०४ जना
- थाहा नगरपालिकामा ६ पुरुष र ६ महिला गरी १२ जना
- मकवानपुरगढी गाउँपालिकामा २७ पुरुष र ११ महिला गरी ३८ जना
- बागमती गाउँपालिकामा दुई जना पुरुष र एक जना महिला गरी ३ जना
- कैलाश गाउँपालिकामा ७ जना पुरुष
- मनहरी गाउँपालिकामा ५८ पुरुष र ५१ महिला गरी १०९ जना
- भीमफेदी गाउँपालिकामा ८ पुरुष र १४ जना महिला गरी २२ जना
- बकैया गाउँपालिकामा १२ पुरुष र ७ महिला गरी १९ जना
- राक्सिराङ गाउँपालिकामा एक पुरुष र एक महिला गरी दुई जना
- हाल ठेगाना नखुलेका २० पुरुष र १७ महिला गरी ३७ जना
- अन्य जिल्लाका १९ पुरुष र ११ महिला ३० जनामा डेंगु संक्रमण पुष्टि भएको छ ।
जिल्लाको इन्द्रसरोवर गाउँपालिमा भने हालसम्म डेंगु संक्रमितको बिरामी नभेटिएको स्वास्थ्य कार्यालय मकवानपुरले जनाएको छ ।