मकवानपुरको थाहा नगरमा आउँदै प्रचण्ड

मकवानपुर । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ मकवानपुरको थाहा नगर आउने भएका छन् ।

माओवादी केन्द्रको सहायक संगठन वाईसियल नेपाल थाहा नगर कमिटीको दोस्रो सम्मेलन उद्घाटन गर्न उनी थाहा नगर आउने भएका हुन् ।

सम्मेलन यही कात्तिक २४ गते शनिबार थाहा नगरको ईन्द्रायणी चौरमा हुँदैछ । उनले उद्घाटन सत्रको सभालाई सम्बोधन गर्नुका साथै शहीद÷बेपत्ता परिवार, पूर्व जममुक्ति सेना सम्मान तथा पार्टीका नेता कार्यकर्तालाई प्रशिक्षण दिने कार्यक्रम रहेको माओवादी थाहा नगर अध्यक्ष बिनोदकुमार लामाले बताए ।

सम्मेलनले बढीमा ४५ सदस्यीय नगरकमिटी चयन गर्ने वाईसियल नेपाल थाहानगर अध्यक्ष मानसिं दोङले जानकारी दिए ।