मोटरसाइकल दुर्घटना हुँदा एक जनाको मृत्यु

बाँके । नेपालगञ्जमा गएराति मोटरसाइकल दुर्घटना हुँदा एक जनाको मृत्यु भएको छ । नेपालगन्ज उपमहानगरपालिका–४, बसपार्क बाइपास रोड नजिक भे ६ प ८०२ नं र ज ३ प ७१७१ नं.को मोटरसाइकल एकापसमा ठोक्किँएर दुर्घटना हुँदा एक जनाको मृत्यु भएको हो ।

मृत्यु हुनेमा नेपालगञ्ज–६ का २६ वर्षीय अमनकुमार कसौधन रहेको प्रहरीले जनाएको छ । प्रहरीका अनुसार, उक्त दुर्घटनामा परेर नेपालगञ्ज–११ का १८ वर्षीय एहसान शेख गम्भीर घाइते भएका छन् । उनको उपचार नेपालगन्जस्थित भेरी अस्पतालमा हुन नसकेपछि थप उपचारका लागि भारतको लखनऊ पठाएको छ ।

दुर्घटनामा परेर गम्भीर घाइते भएका दुवै मोटरसाइकल चालकलाई उपचारका लागि शिक्षण अस्पताल नेपालगञ्ज लगिएको थियो । तीमध्ये कसौधनलाई गएराति नै मृत घोषणा गरेको जनाइएको छ ।

लखनऊ लगिएका गम्भीर घाइते शेखको मुख, आँखा र शरीरको भित्री भागमा चोट लागेको छ । सो घटनाको बारेमा आवश्यक अनुसन्धान भइरहेको प्रहरीले जनाएको छ ।