मकवानपुरमा स्कुटरको ठक्करबाट महिलाको मृत्यु
तु खबर संवाददाता
मकवानपुर । मकवानपुरमा स्कुटरको ठक्करबाट एक महिलाको मृत्यु भएको छ । मृत्यु हुनेमा बागमती गाउँपालिका वडा नम्बर ४, बस्ने ४८ वर्षीया गंगा पहरी रहेको मकवानपुरका प्रहरी नायव उपरीक्षक श्याम अर्यालले जानकारी दिए ।
प्रहरी नाव उपरीक्षक अर्यालका अनुसार, हिजो सोमबार बागमती–४, हरामिटोलस्थित मदन भण्डारी लोकमार्गमा हेटौंडाबाट सिन्धुलीतर्फ जाँदै गरेको बा प्र ०३–००४प ७२७६ नम्वरबो स्कुटरले बाटो क्रस गर्दै गरेकी उनलाई ठक्कर दिएको थियो ।
स्कुटरको ठक्करबाट गम्भीर घाइते भएकी उनलाई तत्काल उद्दार गरी उपचारको लागि हेटौंडाको चुरेहिल अस्पतालमा लगिएको थियो । उनको सोही अस्पतालमा उपचारको क्रममा मृत्यु भएको प्रहरी नायव उपरीक्षक अर्यालले बताए ।
प्रहरी नायव उपरीक्षक अर्यालले उक्त दुर्घटनामा परेर मृतक गंगाकी हजुरआमा घाइते भएको बताए ।
स्कुटर र स्कुटर चालक हेटौंडा उपमहानगरपालिका वडा नम्वर ६, चौघडा बस्ने २६ वर्षीय अनुपकुमार क्षेत्रीलाई प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको छ ।
