भरूवा बन्दुकसहित तीन जना पक्राउ
तु खबर संवाददाता२०८१ कार्तिक २०,मंगलवार १७:१५
बाजुरा । बाजुराको गौमुल गाउँपालिका–६ सटेडाबाट भरूवा बन्दुकसहित मंगलबार बिहान तीन जना पक्राउ परेका छन् ।
पक्राउ पर्नेहरूमा सोही ठाउँ बस्ने ६३ वर्षीय गोरे लुहार, बडिमालिका नगरपालिका–१ सलेना बस्ने ३९ वर्षीय गोरख कार्की र ३७ वर्षीय बुद्ध कार्की रहेका छन् ।
उनीहरु भरुवा बन्दुक १० थान र बन्दुकको नाल ३३ थानसहित पक्राउ परेका हुन् । उनीहरुलाई गोरेको घरमा अवैध भरूवा बन्दुकको कारोबार भइरहेको भन्ने सूचनाको आधारमा पुगेको इलाका प्रहरी कार्यालय गौमुलबाट खटिएको प्रहरीले पक्राउ गरेको हो ।
पक्राउ परेका उनीहरुमाथि प्रहरीले आवश्यक अनुसन्धान गरिरहेको छ ।
