सवारी दुर्घटना हुँदा एक जनाको मृत्यु

चितवन । चितवनको रत्ननगर नगरपालिका–२ सब्जिमण्डीस्थित सवारी दुर्घटना हुँदा एक जनाको मृत्यु भएको छ ।

खैरहनीबाट टाँडीतर्फ आइरहेको बसले मोटरसाइकललाई ठक्कर दिँदा एक जनाको मृत्यु भएको जिल्ला प्रहरी कार्यालयले जनाएको छ ।

मृत्यु हुनेमा जिल्दाको रत्ननगर–१३ अमिलियाका २१ वर्षीय सुनिल पौडेल रहेका छन् । दुर्घटनामा परेर गम्भीर घाइते भएका उनको चितवन मेडिकल कलेजमा उपचारका क्रममा मृत्यु भएको हो ।

यस्तै, सोही दुर्घटनामा परेर सोही ठाउँका २० वर्षीय साहिल परियार र २१ वर्षीय सञ्जय लामा गम्भीर घाइते छन् । उनीहरूको चितवन मेडिकल कलेजमा उपचार भइरहेको छ ।

बस र बस चालकलाई प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको छ ।