सुनको भाउ बढ्यो, कतिमा कारोबार हुँदैछ ?

काठमाडौं । नेपाली बजारमा बुधबार सुनको भाउ बढेको छ । बुधबार सुनको भाउ प्रतितोला ३०० रुपैयाँले बढेको नेपाल सुनचाँदी व्यवसायी महासंघले जनाएको छ ।

भाउ बढेसँगै आज सुन प्रतितोला १ लाख ६८ हजार ५०० रुपैयाँमा कारोबार भइरहेको छ । यसअघि मंगलबार सुन प्रतितोला १ लाख ६८ हजार २०० रुपैयाँमा कारोबार भएको थियो ।

यस्तै, आज बुधबार चाँदीको भाउ भने घटेको छ । मंगलबारको तुलनामा बुधबार चाँदी प्रतितोला १५ रुपैयाँले घटेको हो ।

भाउ घटेसँगै आज चाँदी प्रतितोला २ हजार १५ कायम भएको छ । यसअघि मंगलबार चाँदी प्रतितोला २ हजार ३० रुपैयाँमा कारोबार भएको थियो ।