अवैध लागूऔषधसहित चार जना पक्राउ

काठमाडौं । प्रहरीले देशको छुट्टाछुट्टै स्थानबाट लागूऔषधसहित चार जनालाई पक्राउ गरेको छ । प्रहरीले बर्दिया, मोरङ, झापा र दार्चुला जिल्लाको विभिन्न स्थानबाट लागूऔषधसहित उनीहरुलाई पक्राउ गरेको हो ।

प्रहरीले बर्दियाको बढैयाताल गाउँपालिका–२ फुटाह चेकपोष्टस्थित सडकबाट अवैध लागूऔषध ब्राउनसुगर ८ सय ५० मिलिग्रामसहित मंगलबार दिउँसो एक जनालाई पक्राउ गरेको छ । पक्राउ पर्नेमा खजुरा गाउँपालिका–५ रजनवा बस्ने २७ वर्षीय ननकउ कन्दु रहेका छन् ।

उनलाई प्रहरी चौकी जमुनी र बिओपि फुटाहबाट खटिएको संयुक्त टोलीले पक्राउ गरेको हो । भारतबाट नेपालतर्फ साइकलमा आउँदै गरेका उनलाई उक्त परिणामको लागूऔषधसहित पक्राउ गरिएको हो ।

यस्तै, मोरङको बिराटनगर महानगरपालिका–१५ एक नम्बर ढाटस्थित सडकबाट अवैध लागूऔषध खैरो हेरोइन १ ग्राम ६ सय २० मिलिग्रामसहित एक जना पक्राउ परेका छन् । पक्राउ पर्नेमा कानेपोखरी गाउँपालिका–५ बस्ने २२ वर्षीय युसन बिक रहेका छन् ।

उनलाई लागूऔषध नियन्त्रण ब्यूरो विराटनगरबाट खटिएको प्रहरीले मंगलबार दिउँसो पक्राउ गरेको हो । भारतबाट नेपालतर्फ पैदल आउँदै गरेका उनलाई परिणामको लागूऔषधसहित पक्राउ गरिएको हो ।

यस्तै, झापाको मेचिनगर नगरपालिका–६ काँकरभिट्टास्थित सडकबाट अवैध लागूऔषध खैरो हेरोइन ६ ग्रामसहित प्रहरीले मंगलबार शिवसताक्षी नगरपालिका–१ बस्ने २७ वर्षीय पुकार तामाङलाई पक्राउ गरेको हो । तामाङलाई लागूऔषध नियन्त्रण ब्यूरो काँकरभिट्टाबाट खटिएको प्रहरीले उक्त परिणामको लागूऔषधसहित पक्राउ गरेको हो ।

यसैगरी, दार्चुलाको मार्मा गाउँपालिका–३ बिटुले बस्ने ३० वर्षीय लोकेन्द्र महरलाई अवैध लागूऔषध चरेशसहित प्रहरीले पक्राउ गरेको छ । उनलाई लागूऔषध चरेश २ किलो २ सय ग्रामसहित मंगलबार राति पक्राउ गरिएको हो । उनलाई इलाका प्रहरी कार्यालय गोकुलेश्वरबाट खटिएको प्रहरीले उक्त परिणामको लागूऔषधसहित पक्राउ गरेको हो ।

ती सबै घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।