बेहोस अवस्थामा भेटिएका मकवानपुरका राईको मृत्यु

हेटौंडा । बेहोस अवस्थामा भेटिएका मकवानपुरका एक युवकको मृत्यु भएको छ ।

मृत्यु हुनेमा जिल्लाको मनहरी गाउँपालिका वडा नम्वर ३, लामिटार बस्ने प्रकाश राई रहेको बागमती प्रदेश प्रहरी कार्यालय, हेटौंडाले जनाएको छ ।

४२ वर्षीय राई मंगलबार आफ्नै घरमा बेहोस भएर लडेको अवस्थामा भेटिएका थिए । तत्काल उद्दार गरी उपचारका लागि हेटौंडा अस्पताल लगिएको उनको गएराति नै चिकित्सकले मृत घोषणा गरेको जनाइएको छ ।

उनको मृत्यु हुनुको कारण नखुलेको र घटनाको बारेमा आवश्यक अनुसन्धान गरिरहेको प्रहरीले जनाएको छ ।