४ हजार रुपैयाँले घट्यो सुनको भाउ

काठमाडौं । नेपाली बजारमा बिहीबार सुनको भाउ घटेको छ । नेपाल सुनचाँदी व्यवसायी महासंघका अनुसार, अघिल्लो दिनको तुलनामा आज सुन प्रतितोला ४ हजार रुपैयाँले घटेको हो ।

भाउ घटेसँगै आज सुन प्रतितोला १ लाख ६४ हजार ५०० रुपैयाँमा कारोबार भइरहेको छ । यसअघि बुधबार सुन प्रतितोला १ लाख ६८ हजार ५०० रुपैयाँमा कारोबार भएको थियो ।

यसैगरी, आज चाँदीको भाउ पनि घटेको छ । बिहीबार चाँदी १ हजार ९६० रुपैयाँ कायम भएको छ । अघिल्लो दिन तोलामा २ हजार १५ रुपैयाँमा कारोबार भएको चाँदीको भाउ बिहीबार प्रतितोला ५५ रुपैयाँले घटेको हो ।