हातहतियारसहित एक जना पक्राउ

दाङ । दाङबाट प्रहरीले हातहतियारसहित बिहीबार बिहान एक जनालाई पक्राउ गरेको छ । जिल्लाको लमही नगरपालिका–३ बनगाउँस्थित हरियाली टोल बस्ने ४० वर्षीय गणेश कुमाललाई विभिन्न हातहतियारसहित पक्राउ गरेको प्रहरीले जनाएको छ ।

उनलाई विशेष सूचनाको आधारमा पुगेको वडा प्रहरी कार्यालय लमहीबाट खटिएको प्रहरीले आफ्नै घरबाट पक्राउ गरेको हो ।

लुकाई छिपाई राखेको भन्ने सूचना प्राप्त हुनासाथ घर तलासी गर्दा भरूवा बन्दुक २ थान, खाली बट, बन्दुकको काठको बट १ थान, बन्दुक नाल १ थान, बन्दुकको नाल बनाउन प्रयोग हुने फलामको पाईप १ थान, बारूद जस्तो देखिने पदार्थ २ सय १२ ग्राम २ सय ३० मिलिग्राम, छर्रा १ सय ३५ थान, केप १८ थान, ठुलो गोली २९ थान लगायतका हातहतियार फेला पारी उनलाई पक्राउ गरिएको हो ।

पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।