भ्रमण बस दुर्घटना हुँदा दुई जना घाइते

कास्की । पोखरामा आज दिउँसो भ्रमण बस दुर्घटना हुँदा दुई जना घाइते भएका छन् । जिल्लाको पोखरा महानगरपालिका वडा नम्बर २२, पुम्दीकोटमा बिहीबार दिउँसो रा १ ख २१०६ नम्बरको मिनी बस दुर्घटना हुँदा दुई जना घाइते भएको प्रहरीले जनाएको छ ।

प्रहरीका अनुसार, नव युग डान्स क्लब दाङबाट पोखरा भ्रमणका लागि आएका उक्त बस दुर्घटना हुँदा टनामा दाङको तुलसीपुर उपमहानगरपालिका ४ बस्ने वर्ष १७ की सन्ध्या रसाइली र सोही ठाउँकी वर्ष १९ की मनीषा रसाइली घाइते भएकी हुन् ।

क्त बस शन्तिस्तुपा नजिकै पुम्दीकोटबाट छोरेपाटनतर्फ जान लागेको थियो । चालकले नियन्त्रण गुमाउँदा बस सडक छेउमा रहेको तिँदुको रुखमा अड्किएर दुर्घटना भएको जनाइएको छ ।

दुर्घटनामा परेर घाइते भएका दुबै जनालाई उपचारको लागि अस्पताल पठाएको र बाँकी २२ यात्रु सकुशल रहेको प्रहरीले जनाएको छ ।

अहिले बाटोमा कुनै अवरोध नरहेको र रुखमा अड्किएको बस क्रेनको सहायताले निकाल्ने प्रयत्न भइरहेको जनाइएको छ ।