फोर्स गाडी दुर्घटना हुँदा तीन जनाको मृत्यु

सुर्खेत । सुर्खेत–दैलेखको सिमानामा फोर्स गाडी दुर्घटना हुँदा तीन जनाको मृत्यु भएको छ ।

दैलेखबाट सुर्खेतको लागि छुटेको कर्णाली प्रदेश ००१ ख ९९८ नम्बरको गाडी वीरेन्द्रनगर नगरपालिका–१४, रातानाङ्लामा भिरबाट तल खसेर दुर्घटना हुँदा तीन जनाको मृत्यु भएको प्रहरीले जनाएको छ ।

प्रहरीका अनुसार, दुर्घटनामा २५ जनाभन्दा बढी घाइते भएका छन् । घाइतेहरुलाई कर्णाली प्रदेश अस्पतालमा पठाइएको छ ।

उक्त घटनाको बारेमा विस्तृत विवरण आउन बाँकी रहेको छ ।