प्रचण्ड आज मकवानपुरको थाहा नगर आउँदै, सबै तयारी पूरा
तु खबर संवाददाता
मकवानपुर । नेकपा माओवादी केन्द्रको केन्द्रीय अध्यक्ष एवम् पूर्व प्रधानमन्त्री पुष्पकमल दाहाल (प्रचण्ड) आज मकवानपुरको थाहा नगर आउने भएका छन् ।
वाईसिएल नेपाल थाहा नगर कमिटीको दोस्रो सम्मेलनमा सहभागी हुन उनी थाहा नगर आउन लागेका हुन् ।
थाहा नगरको इन्द्रायणीचौरमा हुने सम्मेलनको सबैै तयारी पूरा भएको माओवादी केन्द्रका बागमती प्रदेश कमिटी सदस्य एवम् थाहानगर इन्चार्ज लबशेर बिष्टले बताए ।
सम्मेलनको तयारी अन्तरगत स्वागत गेट निर्माण, स्वागत ब्यानर राख्नुका साथै मन्च ब्यवस्थापनको कार्य भईसकेको वाईसीएल बागमती प्रदेश कमिटी सदस्य दिपेन्द्रकुमार लामाले बताए ।
सम्मेलनको लागि प्रत्येक वडाबाट ५/५ जनाको दरले प्रतिनिधि चयन भइसकेको वाईसीएल थाहा नगर अध्यक्ष मानसिं दोङले बाताए । उनको अनुसार, सम्मेलनले वाईसीएल थाहा नगर कमिटीको आगामी कार्यकालको लागि नयाँ नेतृत्व चयन गर्नेछ ।
सो अवसरमा पूर्व जनमुक्ति सेना, जनयुद्धका घाइते, अपांग, शहीद परिवार सम्मानका साथै पार्टीको नेता तथा कार्यकर्ता प्रशिक्षण कार्यक्रम रहेको जनाइएको छ ।
