मकवानपुरमा थपिए ५८ जना डेंगु संक्रमितका बिरामी
तु खबर संवाददाता२०८१ कार्तिक २५,आईतवार १७:१२
मकवानपुर । मकवानपुरमा पछिल्लो २४ घण्टामा ५८ जना डेंगु संक्रमितका बिरामी फेला परेका छन् ।
जनस्वास्थ्य कार्यालय मकवानपुरका अनुसार, सो अवधिमा हेटौंडा उपमहानगरपालिमा ४७ जना, मनहरी गाउँपालिकामा ८ जना, मकवानपुरगढी, भीमफेदी र राक्सिराङ गाउँपालिकामा क्रमशः १–१ जना डेंगु संक्रमणका बिरामी थपिएका हुन् ।
आज थपिएसँगै जिल्लामा डेंगु संक्रमितको कुल संख्या १ हजार ८७२ जना पुगेको छ । जसमा ९७६ पुरुष र ८९६ महिला रहेका छन् ।
उक्त तथ्याङ गत साउन महिनादेखि आजसम्मको रहेको स्वास्थ्य कार्यालय मकवानपुरले जनाएको छ ।
कुन स्थानीय तहमा कति भेटिए डेंगुका बिरामी ?
- हेटौंडा उपमहानगरपालिकामा १ हजार ५१७ जना
- थाहा नगरपालिकामा १३ जना
मकवानपुरगढी गाउँपालिकामा ४७ जना - बागमती गाउँपालिकामा ३ जना
- कैलाश गाउँपालिकामा ७ पुरुष
मनहरी गाउँपालिकामा १५४ जना - भीमफेदी गाउँपालिकामा ३२ जना
- बकैया गाउँपालिकामा २२ जना
- राक्सिराङ गाउँपालिकामा ४ जना
- हाल ठेगाना नखुलेका ३७ जना
- अन्य जिल्लाका ३६ जनामा डेंगु संक्रमण पुष्टि भएको छ ।
जिल्लाको इन्द्रसरोवर गाउँपालिकामा भने हालसम्म डेंगु संक्रमितका बिरामी नभेटिएको स्वास्थ्य कार्यालय जनाएको छ ।
