मकवानपुरका बिष्ट सम्मानित
तु खबर संवाददाता
मकवानपुर । राष्ट्रिय फोटो पत्रकार समूह नेपाल (एनएफपिजे) ले प्रदान गर्ने हरिगोपाल प्रधान फोटो पत्रकारिता पुरस्कार, संस्कृति÷सम्पदा फोटो पत्रकारिता पुरस्कार–२०८० बाट मकवानपुरका गणेश बिष्ट पुरस्कृत भएका छन् ।
एनएफपिजेको शनिबार सम्पन्न २७ औँ साधारणसभा तथा १३ औँ अधिवेशनबाट मकवानपुरको थाहा नगरपालिकाका बिष्ट पुरस्कृत भएका हुन् ।
थाहा नगरपालिका वडा नं. ३ का बिष्ट मकवानपुर जिल्ला लगायत देशका बिभिन्न स्थानका धार्मिक, पर्यटकीय स्थल, जनजीवनलगायतका फोटो खिचेर प्रचारप्रसामा सक्रिय छन् ।
बिष्ट थाहा नगरको पर्यटन प्रवद्र्धनमा पनि निकै सक्रिय छन् । बिष्टले फोटो पत्रकारितासँगै थाहा नगरका विभिन्न स्थानमा पदमार्गको परिकल्पनाकार समेत हुन् । हाल थाहा नगरमा ७ वटा पदमार्ग चर्चामा रहेको छ ।
बिष्टसँगै साहसिक फोटो पत्रकारिता सम्मानबाट सुजन बज्राचार्य, पर्यापर्यटन फोटो पत्रकारिता सम्मानबाट प्रविन श्रेष्ठ, मनोरञ्जन फोटो पत्रकारिता सम्मानबाट लेखबहादुर श्रेष्ठ र खेलकुद फोटो पत्रकारिता सम्मानबाट सरोज नेपाल सम्मानित भएका थिए ।