वाईसिएल थाहा नगर अध्यक्षमा केशब सुनार
तु खबर संवाददाता२०८१ कार्तिक २६,सोमबार ०८:५४
मकवानपुर । नेकपा माओबादी केन्द्रको सहायक संगठन वाईसिएल नेपाल थाहा नगर कमिटीको अध्यक्ष पदमा केशब सुनार चयन भएका छन् ।
वाईसिएल नेपाल थाहा नगर कमिटीको आइतबार भएको बन्दसत्रले अध्यक्ष पदमा सुनारलाई सर्वसम्मत चयन गरेको वाईसिएल नेपाल मकवानपुर जिल्ला सदस्य एवम् थाहा नगर इन्चार्ज हिरेन्द्रकुमार रायमाझीले जानकारी दिए ।
सुनारको अध्यक्षतामा १३ सदस्य पछि मनोनित गर्ने गरी ७३ सदस्यीय नगर कमिटी चयन गरिएको हो । कमिटीमा मनोनीत गर्ने सदस्य र पदाधिकारीको चयन पहिलो बैठकले गर्नेछ ।
सम्मेलनको उद्घाटन शनिबार नेकपा माओबादी केन्द्रका केन्द्रीय अध्यक्ष पुष्पकमल दाहाल ’प्रचण्ड’ ले गरेका थिए ।