बागलुङमा पिकअप भ्यान दुर्घटना हुँदा पाँच जनाको मृत्यु

काठमाडौं । बागलुङको जैमिनी–७ जैदीको व्यार्थला नजिकै आज बिहान पिकअप भ्यान दुर्घटना हुँदा पाँच जनाको मृत्यु भएको छ ।

जिल्लाको जैमिनी नगरपालिका–८ छिस्तीबाट बागलुङ बजारको लागि छुटेको ग २ च ९२४७ नम्बरको पिकअप भ्यान दुर्घटना हुँदा पाँच जनाको मृत्यु भएको प्रहरीले जनाएको छ ।

प्रहरीका अनुसार, उक्त भ्यान सडकबाट करिब एक सय मिटर तल खसेर दुर्घटना हुँदा उनीहरुको मृत्यु भएको हो । मृतकहरुको पहिचान हुन बाँकी छ ।

सो जीपमा सवार एक जनाको जीवितै उद्दार गरेको छ भने घटनाको बारेमा विस्तृत विवरण आउँन बाँकी रहेको जनाइएको छ ।