धादिङमा बोलेरोले ठक्कर दिँदा एक जनाको मृत्यु

काठमाडौं । धादिङको बेनीघाट रोराङ गाउँपालिका–३ डार्केफाटमा सोमबार बोलेराले ठक्कर दिँदा एक जनाको मृत्यु भएको छ ।

मृत्यु हुनेमा बेनीघाट–२ की १९ वर्षीया अनिशा मिजार रहेको जिल्ला प्रहरी कार्यालय धादिङले जनाएको छ ।

प्रहरीका अनुसार, ताल्तिबाट मलेखु जाँदै गरेको बा२०च १९९९ नम्बरको बोलेरोले मिजारलाई ठक्कर दिँदा पैदलयात्री अनिशाको मृत्यु भएको हो ।

यस्तै, उक्त बोलेरोकै ठक्करबाट अर्का एक जना घाइते भएका छन् । घाइते हुनेमा २६ वर्षीया प्रशंसा मिजार रहेका छन् ।

चालक गोपी बहादुर ठकुरी र बोलेरोलाई प्रहरीले नियन्त्रणमा लिई घटनाको बारेमा आवश्यक अनुसन्धान गरिरहेको छ ।