मलद्वार नभएका बालकको उपचारमा हेटौंडा उपमहानगरले सहयोग गर्ने

मकवानपुर । हेटौंडा उपमहानगरपालिकाले मलद्वार नभएका बालको उपचारमा सहयोग गर्ने भएको छ ।

खर्चको अभावका कारण उपचारबाट बञ्चित रहेका १८ महिने बालक आरोन स्याङतानले अब हेटौंडा उपमहानगरपालिका सहयोगबाट पूर्ण उपचार पाउने भएका हुन् ।

हेटौंडा–१५ का अध्यक्ष सुनिल मोक्तानले बालकको उपचारका लागि सहयोग प्रस्ताव कार्यपालिका बैठकले स्वीकृत गरेको प्रमुख प्रशासकीय अधिकृत सूर्यप्रसाद गौतमले जानकारी दिए ।

चिकित्सकको सल्लाह अनुसार उनको उपचारमा लाग्ने खर्च व्यहोर्ने नगर प्रमुख मीनाकुमारी लामाले जानकारी दिइन् । अहिले ३ लाख ५० हजार खर्च लाग्छ भनिएको छ त्यो खर्च उपमहानगरले व्यहोर्ने सोमबार बसेको कार्यपालिका बैठकले सर्वसम्मत निर्णय गरेको नगर प्रमुख लामाले बताइन् ।