हत्या गरेको अभियोगमा महिला पक्राउ

बैतडी । बैतडीको डिलासैनी गाउँपालिका–२, छेपट्टा डुङरी बस्ने २३ वर्षीया सुनिता बोहराको हत्या गरेको अभियोगमा प्रहरीले एक महिलालाई पक्राउ गरेको छ ।

पक्राउ पर्नेमा सुनिता कै जेठानी ३० वर्षीया दीपा बोहरा रहेका छन् । उनलाई सोमबार राति प्रहरी चौकी सिमारबाट खटिएको प्रहरीले पक्राउ गरेको हो ।

प्रहरीका अनुसार, घरायसी विवाद भई झै–झगडा हुँदा दीपाले दाउराको चिरपट प्रहार गर्दा सुनिताको घटनास्थलमै मृत्यु भएको थियो ।

उक्त घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।