परराष्ट्रमन्त्री आरजु देउवा बेइजिङ जाँदै
तु खबर संवाददाता२०८१ कार्तिक २८,बुधबार ०९:५६
काठमाडौं । परराष्ट्रमन्त्री आरजु राणा देउवा बेइजिङ जाँदैछन् । आगामी मंसिर १३ मा समकक्षी वाङ यी को निमन्त्रणमा उनी चीनको राजधानी उड्न प्रस्थान गर्न लागेकी हुन् ।
प्रधानमन्त्री केपी शर्मा ओलीले मंसिर तेस्रो साता गर्ने चीन भ्रमणको तयारीका लागि राणा बेइजिङ जान लागेकी हुन् ।
राणाले मंगलबार परराष्ट्र मन्त्रालयमा सचिव लगायत विभिन्न कर्मचारीलाई बोलाएर भ्रमण तयारीका लागि छलफल गरेकी थिइन् ।
त्यसअघि उनले सोमबार चिनियाँ राजदूत चेन सोङसँग मन्त्रालयमा छलफल गरेकी थिइन् ।