मोटरसाइकलको ठक्करबाट पैदलयात्रीको मृत्यु

तु खबर संवाददाता
२०८१ कार्तिक २८,बुधबार १६:५१
सांकेतिक तस्वीर

काठमाडौं । काठमाडौं महानगरपालिका–३२, कोटेश्वर भाटभटेनीस्थित सडकमा गएराति मोटरसाइकलले ठक्कर दिँदा एक जनाको मृत्यु भएको छ ।

बागमती प्रदेश ०२–०२० प ५१७७ नम्बरको मोटरसाइकलले ठक्कर दिँदा पैदलयात्री हाल नाम, थर, वतन नखुलेका अन्दाजी वर्ष ४० को एक पुरुषको मृत्यु भएको प्रहरीले जनाएको छ ।

प्रहरीका अनुसार, मोटरसाइकलले ठक्कर दिँदा ती पुरुष गम्भीर घाइते भएका थिए । दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो ।

प्रहरीले मोटरसाइकल र चालकलाई नियन्त्रणमा लिई घटनाको बारेमा आवश्यक अनुसन्धानका साथै कानूनी प्रकृया अगाडि बढाइएको छ ।