रवि लामिछानेलाई आज पोखरा पठाइँदै

बुटवल । पूर्व गृहमन्त्री तथा राष्ट्रिय स्वतन्त्र पार्टी (रास्वपा) सभापति रवि लामिछानेलाई आज पोखरा पठाइने भएको छ ।

आज विमानस्थल खुलेपछि सभापति लामिछानेलाई भैरहवाबाट पोखरा पठाइने भएको हो ।

लामिछानेलाई मंगलबार कास्कीबाट भैरहवा लगिएको थियो । उनले बुटवलको सुप्रिम सहकारीको सङ्गठित ठगी आरोपमा बयान दिएका थिए ।

उनलाई जिल्ला प्रहरी कार्यालयमा रुपन्देहीमा नै राखिएको छ । भैरहवामा गौतमबुद्व विमानस्थल मौसम प्रतिकुलताका कारण ११–१२ बजे यता खुल्ने सम्भावना कम रहेको जनाइएको छ ।