हेटौंडा रन २०८१ हुँदै

मकवानपुर । हेटौंडामा मंसिर ४ गते उपमहानगर स्तरीय ‘हेटौंडा रन २०८१’ हुने भएको छ । शुक्रबार पत्रकार सम्मेलनमार्फत् उपमहानगरपालिकाको नगर खेलकुद विकास समितिले प्रतियोगिता बारे जानकारी दिएको हो ।

प्रतियोगितामा नगर भित्रका १६ वर्ष पूरा भएका इच्छुकले सहभागिता जनाउन सकिने खेलकुद बिकास समितिका अध्यक्ष रबिद्र घिमिरेले जानकारी दिए ।

उनका अनुसार, कार्यक्रमलाई मंगलबार बिहान ७ बजे हेटौंडाको बुद्धचोकमा उद्धाटन गरिनेछ ।

हेटौंडाको बुद्धचोक, भैरवरोड, लक्ष्मी आधारभूत विद्यालय स्कुल, सुर्यचोक, नवोदय स्कुल पार गर्दै, सत्यमचोक, थाहाचोक, सितलमहल चोक, ओमभवन हुँदै पुन बुद्धचोकमा आएर समापन हुने अध्यक्ष घिमिरले बताए ।

प्रतियोगिताको प्रथम, द्धितिय र तृतीय क्रमशः २५ हजार, १५ हजार र १० हजार रुपयाँ पुरस्कार प्राप्त गर्नेछन् ।

यस्तै, सान्त्वना पुरस्कार ५ हजार, पाचौँ पुरस्कार ३ हजार र प्रोत्साहन पुरस्कार स्वरुप २ जनालाई ४ हजार रुपैँया प्रदान गरिने आयोकजले जनाएको छ ।