हात्तीको आक्रमणबाट भण्डारीको मृत्यु
तु खबर संवाददाता२०८१ मंसिर २,आईतवार ०९:२१
झापा । झापामा आज बिहान हात्तीको आक्रमणबाट एक जनाको मृत्यु भएको छ ।
मृत्यु हुनेमा दमक नगरपालिका–३ दिपज्योति टोलका ४५ वर्षीय मीनबहादुर भण्डारी रहेको जिल्ला वन कार्यालयका प्रमुख मेघराज राईले जानकारी दिए ।
उनका अनुसार, छिमेकी सुविन भट्टराईको घर हात्तीले भत्काउन थालेपछि त्यसलाई धपाउ खोज्दा भण्डारी आक्रमणमा परेको र उनको घटनास्थलमा नै मृत्यु भएको हो ।
