हेटौंडामा एक जना मृत अवस्थामा फेला
तु खबर संवाददाता२०८१ मंसिर २,आईतवार १६:३९
मकवानपुर । मकवानपुरको हेटौंडामा आज बिहान एक जना मृत अवस्थामा फेला परेका छन् ।
जिल्लाको हेटौंडा उपमहानगरपालिका वडा नम्वर ४, कमलडाँडास्थित एक जना मृत अवस्थामा फेला परेको मकवानपुरका प्रहरी नायव उपरीक्षक श्यामु अर्यालले जानकारी दिए ।
प्रहरी नायव उपरीक्षक अर्यालका अनुसार, मृत अवथामा फेला पर्नेमा सिन्धुपाल्चोकको इन्द्रावती ११ नम्बर वडाका स्थायी बासिन्दा भई हाल हेटौंडा कमलडाँडामा डेरा गरी बस्दै आएका अन्दाजी वर्ष २९ को भगवती भनिने इन्द्रबहादुर माझी (तेस्रो लिङ्गी) रहेका छन् ।
उक्त घटनाको बारेमा प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।
