त्रिशूलीमा ट्रक खस्यो

मकवानपुर । पृथ्वीराजमार्ग अन्तर्गत धादिङको बेनीघाट रोराङ गाउँपालिका वडा नम्वर १० खयरघारीबाट आज बिहान एक ट्रक त्रिशूली नदीमा खसेको छ ।

नवलपरासीबाट काठमाडौंको लागि छुटेको लु २ ख २५० नम्बरको ट्रक त्रिशूली नदीमा खसेको जिल्ला प्रहरी कार्यालय धादिङले जनाएको छ ।

प्रहरीका अनुसार, दुर्घटनास्थलबाट तीन जनाको उद्दार गरिएको छ । जसमा ट्रक चालक नवलपरासी पश्चिमका २७ वर्षीय आशिष महतो, सहचालक २६ वर्षीय राजु थापामगर र ट्रक धनी खैरहनी नगरपालिका ४६ वर्षीय सुरेश गुरुङ रहेका छन् ।

उनीहरुलाई प्रारम्भिक उपचारका लागि मझिमटारस्थित बिहानी फार्मेसीमा पठाइएको छ भने प्रहरीले घटनाको बारेमा आवश्यक अनुसन्धान गरिरहेको जनाएको छ ।