चिर्पट प्रहार गरी श्रीमतीद्वारा श्रीमानको हत्या

सुर्खेत । रुकुम पश्चिममा एक महिलाले गएराति चिर्पट प्रहार गरेर आफ्नै श्रीमानको हत्या गरेकी छन् ।

जिल्लाको चौरजहारी नगरपालिका–२ निवासी ३२ वर्षीया दीपा कुमालले आफ्ना श्रीमान् ४० वर्षीय मधु कुमालको हत्या गरेको प्रहरीले जनाएको छ ।

प्रहरीका अनुसार, गएराति घरायसी विवादको कारण दीपाले चिर्पट प्रहार गर्दा मधुको मृत्यु भएको हो ।

मृतकका छोरा खिम कुमालले घटनाको जानकारी प्रहरीलाई दिएका थिए ।

जिल्ला प्रहरी कार्यालय रुकुम पश्चिमले दीपालाई नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।