कतिमा कारोबार हुँदैछ आज सुनचाँदी ?

काठमाडौं । नेपाली बजारमा आइतबार सुनको भाउ बढेको छ । आज सुन प्रतितोला १ हजार १०० रुपैयाँ बढेको नेपाल सुनचाँदी व्यवसायी महासंघले जनाएको छ ।

महासंघका अनुसार, भाउ बढेसँगै आज सुन प्रतितोला १ लाख ६२ हजार १०० रुपैयाँमा कारोबार भइरहेको छ । यसअघि सोमबार सुन तोलामा १ लाख ६१ हजार रुपैयाँ कायम भएको थियो ।

यसैबीच, आज चाँदी प्रतितोला १ हजार ९५५ रुपैयाँ कायम भएको छ । सोमबार तोलामा १ हजार ९०५ रुपैयाँ कायम भएको चाँदीको मूल्य मंगलबार ५० रुपैयाँले बढेको हो ।