अवैध गाँजासहित एक जना पक्राउ

सप्तरी । सप्तरीको राजगढ गाउँपालिका–४ स्थित सडकबाट अवैध लागूऔषध गाँजासहित प्रहरीले गएराति एक जनालाई पक्राउ गरेको छ ।

प्रहरीले करिब १ हजार ७ सय १७ किलोग्राम गाँजासहित एक जनालाई पक्राउ गरेको हो । पक्राउ पर्नेमा धनकुटाको शहिदभुमी गाउँपालिका–३ बस्ने ३३ वर्षीय यमजित राई रहेका छन् ।

उनलाई इलाका प्रहरी कार्यालय कल्याणपुरबाट खटिएको प्रहरीले पक्राउ गरेको हो । पत्थरगाढाबाट झुटकीतर्फ जाँदै गरेको को.१ ख ६५०३ नम्बरको टिपरलाई जाँच गर्ने क्रममा टिपरमा लुकाई छिपाई राखिएको ५६ वटा बोरामा रहेको उक्त परिमाणको गाँजा फेला पारी चालक यमजितलाई पक्राउ गरिएको हो ।

उक्त घटनाको बारेमा प्रहरीले आवश्यक अनुसन्धान गरिरहेको छ ।