हातहतियारसहित दुई जना पक्राउ
तु खबर संवाददाता२०८१ मंसिर ५,बुधबार १४:१८
कञ्चनपुर । कञ्चनपुरको भिमदत्त नगरपालिका–९ कालीगाडा खोलाबाट अवैध हातहतियारसहित गएराति दुई जना पक्राउ गरेका छन् ।
पक्राउ पर्नेहरूमा भिमदत्त नगरपालिका–९ टुडिखेल बस्ने ५३ वर्षीय गगन तरामी र ५५ वर्षीय प्रेम बहादुर धामी रहेका छन् ।
उनीहरुलाई इलाका प्रहरी कार्यालय ब्रहमदेव र सशस्त्र प्रहरी बल बिओपी खल्लाबाट खटिएको संयुक्त टोलीले पक्राउ गरेको हो ।
प्रहरीले उनीहरुको साथबाट भरूवा बन्दुक २ थान, बारूद २ प्याकेट, खुकुरी २ थान, बन्दुकको सिसा ३८ थान, फलामको टुक्रा २७ थान र बन्दुकको क्याप १२ थान बरामद गरेको जनाएको छ ।
पक्राउ परेका उनीहरुमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।
