उत्तरप्रदेशमा सवारी दुर्घटना हुँदा ५ जनाको मृत्यु

काठमाडौं । भारतको उत्तरप्रदेशमा सवारी दुर्घटना हुँदा ५ जनाको मृत्यु भएको छ । बस र ट्रक एकापसमा ठोक्किएर दुर्घटना हुँदा ५ जनाको मृत्यु भएको प्रहरीले जनाएको छ ।

प्रहरीका अनुसार, दिल्लीबाट आजमगढ जाँदै गरेको डबलडेकर निजी बस अलिगढमा ट्रकको पछाडिको भागमा ठोक्किएर दुर्घटना भएको भएको थियो ।

मृत्यु हुनेमा पाँच महिने शिशु, एक महिला र तीन पुरुष रहेका छन् । यस्तै, सोही दुर्घटनामा परेर १५ जना घाइते भएका छन् ।

घाइतेहरुलाई जेबरस्थित कैलाश अस्पतालमा भर्ना गरिएको बुझिइएको छ ।