एमालेको जनजागरण सभा आज
तु खबर संवाददाता२०८१ मंसिर ७,शुक्रबार ०९:००
काठमाडौं । नेकपा एमालेले आज जनजागरण सभाको आयोजना गरेको छ । सो सभा काठमाडौं, ललितपुर र भक्तपुर गरी तीन एमाले जिल्ला कमिटीको आयोजनामा गर्न लागिएको हो ।
यसअघि भृकुटीमण्डपमा गर्ने भनिएको सो सभा दरबारमार्गमा आयोजना गर्ने भएको हो । सभा अघि र्याली हुनेछ ।
भद्रकालीबाट सुरु हुने सो र्याली सुन्धारा, वीर अस्पताल, रत्नपार्क, घण्टाघर हुँदै दरबारमार्गमा पुगेर सभामा परिणत हुनेछ ।
सभालाई पार्टी अध्यक्ष एवम् प्रधानमन्त्री केपी शर्मा ओलीसहितका नेताहरुले सम्बोधन गर्ने कार्यतालिका रहेको छ ।
मंगलबार बसेको एमालेको बैठकले सभालाई ऐतिहासिक रुपमा सफल बनाउने निर्णय समेत गरेको थियो ।
