मकवानपुरका एक जना पक्राउ

झापा । झापाको मेचीनगर नगरपालिका–६ पुरानो मेचीपुलबाट अवैध लागूऔषध खैरो हेरोइनसहित मकवानपुरका एक जना पक्राउ परेका छन् ।

पक्राउ पर्नेमा मकवानपुरको थाहा नगरपालिका–६ बस्ने ३१ वर्षीय आशाकाजी तामाङ रहेको प्रहरीले जनाएको छ ।

उनलाई शुक्रबार दिउँसो लागूऔषध नियन्त्रण ब्यूरो काँकरभिट्टाबाट खटिएको प्रहरीले लागूऔषधसहित पक्राउ गरेको हो ।

प्रहरीले उनको साथबाट लागूऔषध खैरो हेरोइन १८ ग्राम ६ सय ४० मिलिग्राम बरामद गरेको छ ।

पक्राउ परेका उनीमाथि प्रहरीले आवश्यक अनुसन्धान प्रकृया अगाडि बढाएको छ ।