चक्कु प्रहार गरेर छोराले गरे बाबुको हत्या

रुकुम पश्चिम । रुकुम पश्चिममा धारिलो हतियार चक्कु प्रहार गरेर आफ्नै छोराले बुबाको हत्या गरेका छन् ।

जिल्लाको आठबिसकोट नगरपालिका–१० घारीखोलाका २० वर्षीय वीरबहादुर खत्रीले बाबु ५० वर्षीय दर्वे खत्रीको चक्कु प्रहार गरेर हत्या गरेको प्रहरीले जनाएको छ ।

प्रहरीका अनुसार, गएराति ८ बजेको समयमा बाबु–छोराको सामान्य विवाद हुँदा वीरबहादुरले चक्कु प्रहार गरेर बुबाको हत्या गरेका हुन् ।

बाबुको हत्या गर्ने वीरबहादुर हाल फरार रहेको र उनको खोजी कार्य भइरहेको जनाइएको छ ।