अवैध गाँजासहित भीमफेदीबाट एक जना पक्राउ

मकवानपुर । मकवानपुरको भीमफेदी गाउँपालिका–२, भैंसे चेकप्वाईन्टबाट अवैध लागूऔषध गाँजासहित बुधबार बिहान एक जना पक्राउ परेका छन् ।

पक्राउ पर्नेमा पक्राउ पर्नेमा गोरखाको साविक असराङ गाविस वडा नम्वर १ हाल भीमसेन थापा गाउँपालिका वडा नम्वर ६ बस्ने २८ वर्षीय अमिर मिया रहेका छन् ।  उनलाई प्रहरी चौकी भैंसेबाट खटिएको प्रहरीले लागूऔषध गाँजा १ सय ६० किलोग्रामसहित पक्राउ गरेको छ ।

पालुङबाट हेटौंडातर्फ आउँदै गरेको प्र.३–०१–०२३ च ८०४७ नम्बरको बोलेरो गाडीलाई रोकी चेकजाँच गर्ने क्रममा लुकाईछिपाई ल्याएको उक्त परिमाणको गाँजा बरामद भएपछि निजलाई पक्राउ गरिएको हो ।

पक्राउ परेका अमिर गाडी चालक रहेको बुझिइएको छ । पक्राउ परेका उनीमाथि प्रहरीले आवश्यक अनुसन्धानका साथै कानूनी प्रकृया अगाडि बढाइएको छ ।