निर्वाचनको वातावरण बनाउन आग्रह गर्दै युनियनले खोल्यो ताला

मकवानपुर । नेपाल पत्रकार महासंघ जिल्ला शाखा मकवानपुरको कार्यालयमा प्रेस युनियन मकवानपुरले लगाएको ताला आज खोलिएको छ । सदस्यताको विषयमा विमति जनाउँदै युनियनले गत साउनमा तालाबन्दी गरेको थियो ।

नेपाल प्रेस युनियन मकवानपुरका अध्यक्ष सुवास विडारी र बागमती प्रदेश सदस्य गंगा पौडेलको उपस्थितिमा आज दिउँसो ताला खोलिएको हो ।

युनियन मकवानपुरका अध्यक्ष विडारीले महासंघलाई निर्वाचनको वातावरण तयार पार्न आग्रह गर्दै सदस्यतामा अन्याय गरिएको पत्रकारको पक्षमा युनियन सदैव साथमा रहेको बताए ।

मंसीर २८ गतेका लागि महासंघको निर्वाचन मिति तोकिएको छ । यसअघि पनि ३ पटक निर्वाचनको मिति तोकेर महासंघको निर्वाचन हुन सकेको थिएन ।