हेटौंडामा सवारी दुर्घटना, चालक घाइते

मकवानपुर । मकवानपुरको हेटौंडा उपमहानगरपालिका वडा नम्वर १५, चुरियामाईस्थित पूर्व–पश्चिम सडकखण्डमा आज बिहान सवारी दुर्घटना भएको छ ।

वीरगंजबाट काठमाडौं जानको लागि हेटौंडा आउँदै गरेको प्र.२–०३–००१ ख ६७३८ नं.को कन्टेनर आफै अनियन्त्रित भई सडकमा पल्टिर दुर्घटना भएको हो ।

उक्त दुर्घटनामा परेर कन्टेनर चालक मकवानपुरको मनहरी गाउँपालिका वडा नम्वर ६ बस्ने ३० वर्षीय महेश मोक्तान घाइते भएको मकवानपुरका प्रहरी नायव उपरीक्षक एवम् प्रवक्ता श्यामु अर्यालले जानकारी दिए ।

प्रहरी नायव उपरीक्षक अर्यालका अनुसार, मोक्तानको दाहिने हातमा चोट लागेको छ । उनको अवस्थामा हाल मध्यम रहेको र उनलाई उपचारको लागि हेटौंडा अस्पतालतर्फ पाइएको छ ।

दुर्घटनापश्चात सडक दुबैतर्फ केहीबेर अवरोध भएको थियो । अहिले भने क्रेनको सहायताले गाडी उठाई दुबैतर्फ सवारीसाधन संचालनमा ल्याइएको प्रहरी नायव उपरीक्षक अर्यालले बताए ।

तस्विरः मकवानपुर प्रहरीबाट प्राप्त ।