प्रधान सेनापतिद्वारा रथी दर्जाको दर्ज्यानी चिह्न प्रदान

काठमाडौं । प्रधान सेनापति महारथी अशोकराज सिग्देलले रथी दर्जामा पदोन्नति भएका उपरथी प्रदीपजंग केसीलाई रथी दर्जाको दर्ज्यानी चिह्न प्रदान गरेका छन् ।

प्रधान सेनापति सिग्देलले शुक्रबार आयोजित एक समारोहबीच उपरथी केसीलाई रथी दर्जाको दर्ज्यानी चिह्न प्रदान गरेका हुन् ।

रथी केसी नेपाल सरकार, मन्त्रिपरिषद्को निर्णय बमोजिम रथी दर्जामा पदोन्नति भएका हुन् । यससँगै रथी केसी बलाध्यक्षमा नियुक्त भएका छन् ।

दर्ज्यानी चिह्न प्रदान कार्यक्रममा रथीवृन्द तथा अधिकृतहरूका साथै परिवारजनको सहभागिता रहेको थियो ।