एनपिएलमा आज दुई खेल हुँदै

काठमाडौं । शनिबारदेखि सुरु भएको नेपाल प्रिमियर लिग (एनपिएल) मा आज दुई खेल हुने भएको छ ।

पहिलो खेलमा काठमाडौं गुर्खाज र चितवन राइनोजबीच प्रतिस्पर्धा हुनेछ । उक्त खेल बिहान ९ः१५ बजे सुरु हुनेछ । यी दुवै टोली बागमती प्रदेशअन्तर्गतकै टोली हुन् ।

त्यसैगरी, आज दिउँसो १ः१५ बजे दोस्रो खेल हुनेछ । सो खेलमा जनकपुर बोल्ट्स र कर्णाली याक्सबीच प्रतिस्पर्धा हुनेछ । एनपिएलमा जनकपुर बोल्ट्सले दोस्रो पटक र कर्णाली याक्सले पहिलो पटक खेल्न लागेको हो ।

जनकपुर बोल्ट्सले एनपिएलको पहिलो उद्घाटन खेलमै विराटनगर किङ्सलाई ८ विकेटले हराएको थियो ।