एनपिएल अन्तर्गत आज दुई खेलः चितवन राइनोज र जनकपुर बोल्ट्स विजयी

काठमाडौं । शनिबारदेखि सुरु भएको नेपाल प्रिमियर लिग (एनपिएल) अन्तर्गत आज दुई खेल सम्पन्न भएको छ ।

पहिलो खेलमा काठमाडौं गुर्खाज र चितवन राइनोजबीच प्रतिस्पर्धा भएको थियो । बिहान ९ः१५ बजे सुरु भएको पहिलो खेलमा काठमाडौं गुर्खाजलाई हराउँदै चिवतन राइनोज विजयी भए ।

खेलमा चितवन राइनोजले काठमाडौं गुर्खाजलाई ५ विकेटले पराजित गरेको हो ।

त्यसैगरी, आजै दिउँसो १ः१५ बजे भएको दोस्रो खेलमा जनकपुर बोल्ट्स विजयी भएका छन् । कर्णाली याक्सलाई आठ विकेटले हराउँदै जनकपुर बोल्ट्सले दोस्रो पटक जित हासिल गरेको हो ।

जनकपुर बोल्ट्सले एनपिएलको पहिलो उद्घाटन खेलमै विराटनगर किङ्सलाई ८ विकेटले हराएर पहिलो जित हासिल गरेको थियो ।