मकवानपुरमा घरको फर्मा निकाल्ने क्रममा लडेर एक जना घाइते

मकवानपुर । मकवानपुरमा घरको फर्मा निकाल्ने क्रममा लडेर आज बिहान एक जना घाइते भएका छन् ।

जिल्लाको बकैया गाउँपालिका वडा नम्वर ४ अजिङगरे बस्ने ज्ञान प्रसाद सुवेदीको निर्माणाधीन अवस्थामा रहेको घरको फर्मा निकाल्ने क्रममा लडेर एक जना घाइते भएका हुन् ।

घाइते हुनेमा भारत रक्सोल घर भई हाल बकैया गाउँपालिका वडा नम्वर ४ अजिङगरे बस्ने वर्ष ३५ को विकाश कुमार रहेको मकवानपुरका प्रहरी नायव उपरीक्षक श्यामु अर्यालले जानकारी दिए ।

प्रहरी नायव उपरीक्षक अर्यालका अनुसार, लडेर उनको टाउको र छातीमा गम्भीर चोट लागेको छ । घाइते उनलाई तत्काल उद्दार गरी हेटौंडा अस्पतालमा ल्याइएको थियो ।

त्यहाँ उपचार सम्भव नभएपछि थप उपचारको लागि टिचिङ अस्पताल काठमाडौं लगिएको जनाइएको छ ।