रवि लामिछानेको बयान आज पनि हुने

काठमाडौं । सहकारीको रकम अपचलन सम्बन्धी कसुरमा अनुसन्धानका लागि पर्सा पुर्याइएका राष्ट्रिय स्वतन्त्र पार्टीका सभापति रवि लामिछानेको आज पनि बयान हुने भएको छ ।

पूर्व गृहमन्त्री समेत रहेका उनलाई सोमबार पर्सा प्रहरीले प्रारम्भिक बयान लिएको थियो । आजबाट औपचारिक बयान सुरु हुने जनाइएको छ ।

बयान सकिएलगतै सभापति लामिछानेलाई पुनः कास्की पठाउने जिल्ला प्रहरी कार्यालय पर्साले जनाएको छ ।

कास्की प्रहरीको हिरासतमा रहेका उनलाई हिजो पोखराबाट हवाई मार्ग हुँदै काठमाडौंबाट सिमरा पुर्याइएको थियो । सिमराबाट उनलाई गाडीमा वीरगन्ज लगिएको थियो ।