आज अन्तर्राष्ट्रिय मानव अधिकार दिवस मनाइँदै

काठमाडौं । आज अन्तर्राष्ट्रिय मानव अधिकार दिवस मनाइँदैछ । हरेक वर्ष डिसेम्बर १० तारिखका दिन विश्वभर मनाइने उक्त दिवस आज परेको हो ।

यस वर्ष ‘हाम्रो अधिकार, हाम्रो भविष्य र अहिले’ भन्ने नाराका साथ अन्तर्राष्ट्रिय मानव अधिकार दिवस मनाउन लागिएको हो ।

कानुन न्याय तथा संसदीय मामिला मन्त्रालयले २०७५ सालदेखि हरेक वर्ष मानव अधिकारको सरंक्षण र सम्वर्द्धनमा उल्लेखनीय योगदान पुर्याउने व्यक्ति वा संस्थालाई मानअधिकार पुरस्कार प्रदान गरिंदै आएको छ ।

वार्षिक रूपमा प्रदान गर्दै आएके पुरस्कारको राशिमा वृद्धि गर्न आवश्यक अध्ययन सुरु गरिएको मन्त्रालयले जनाएको छ ।